Kulimpelaviki kuhlelo Woza Friday silethulela ingxoxo eyenziwe yintathelizindaba yethu uJoseph Njanji lomculi u POY yena osanda ukukhipha ingoma ethiwa "Nice" ehaya amantombazana ako Bulawayo.
UPOY ngomunye wabaculi bengoma zohlobo lwe Hip Hop abalodumo kweleZimbabwe njalo ulamadlalade amahlanu asewakhiphe selokhu waqala ukucindezela.
Lonyaka ke lumculi ulenhlelo zokukhupha idlalade lakhe elesithupha elithiwa Sophisticado kodwa uqale ngokuphakulela abalandeli bakhe ingoma ethiwa "Nice" yona ekhuluma ngobuhle bentombi zako Bulawayo.
Idlalade elithiwa "Sophisticado" lilandela lelo uPOY alikhiphe ngomnyaka ophelileyo ebelithiwa "Blood Money Jacob" ebelilengoma emnandi ethiwa "Sola – Sola" yona elomfanekiso we video ehlelwe ngobunono obukhulu.
Igama elithi POY nxa liphelele limele ukuthi Proud Of You njalo lumculi uqale ukwazakala ngedlalade elithiwa "15 Minutes of Fame" eminyakeni elitshumi eyedluleyo njalo ulezicoco ezimbili aseke wazithola kunanzwa ubungcitshi bakhe. Uthi yena ingoma zakhe zikhuluma ngahlangana lakho empilweni.
Your browser doesn’t support HTML5
Woza Friday: Umculi uPOY