Kulimpelaviki kuhlelo Woza Friday silomhlabeleli wengoma ezokholo uNkosi Dube yena osanda kuhwatsha idlalade elithiwa "Red Card Satan" ehamba ndawonye leqembu le Christ Ambassadors.
UNkosentsha Dube ngumhlabeleli oleminyaka engamatshumi amathathu okuzalwa, osebenzela edolobheni lakoBulawayo kodwa yena ngokuzalwa edabuka endaweni ye Gwanda ezansi yeMandeleni.
Ubumbe iqembu le Christ Ambassadors elilamalunga alitshumi nyakenye kwathi lonyaka ke umfoka Dube leqembu lakhe bakhuphe idlalade labo elakuqala elilegama elithiwa "Red Card Satan".
Idlalade leli elithiwa "Red Card Satan" lilengoma eziyisithupha ezigoqela le esivule ngayo uhlelo ethiwa Ukhethabani, Moy’ oyingcwele, Iphupho lami, Red Card Satan, Ekhaya kanye lethiwa Umhlengi wami.
Umfoka Dube ufunde ezikolo ezithi ese Magedleni lase Gwanda High School kodwa uthi esafunda wayangaphatheki kangako kwezomculo njalo uqale ukucula enkonzweni ye Assemblies of God.
Nanti ke iqembu le Christ Ambassadors liphuma enkundleni ngayo ingoma okubizwa ngayo idlalade labo ethiwa Red Card Satan yona uDube athi izabe isitshengiswa kumabonakude ensukwini ezilandelayo.
Your browser doesn’t support HTML5
Woza Friday: Umculi uNkosi Dube eleqembu lakhe ele Christ Ambassadors