Imidlalo yePremier Soccer League ingena iyaqhubeka ngempelaviki kulomdlalo ophakathi kwamaqembu ahlezi phezu kwengalane yemiklomelo, iFC Platinum leCaps United.
Iqembu lenguqu eleCaps United
IFC Platinum izakwamukela iCaps United ngoMgqibelo enkundleni yeMandava.
Lo ngumdlalo ogobhozisa amathe ngoba iqembu leFC Platinum yilo elihlezi esiqongweni sengalane yemiklomelo ikanti eleCaps United lihlezi kuzinga lesibili.
Amaqembu la ehlukaniswa yimiklomelo emibili kuphela. IFC Platinum ilemiklomelo engamatshumi amathathu lasikhombisa kuthi iCaps United yona ilemiklomelo engamatshumi amathathu lanhlanu.
Iqembu lenguqu eleBulawayo City
Kweminye imidlalo yakusasa iqembu leBulawayo City lizemukela eleHwange enkundleni yeBarbourfields lingelabo abaqeqetshi balo abathi uPhilani Ncube, uFarai Mujokoro, uReginald Buhali lo-kit manager uGift Mvala.
Bonke laba bamiswe umsebenzi ngemva kokuphuma kodaba oluthi uMujokoro uzame ukuthenga unozinti weqembu leBorder Strikers uTarlent Sande ukuthi ayekele iqembu leBulawayo City lihlohle emdlalweni odlalwe ngoLwesithathu. IBulawayo City inqobe nge1 ka nya.
I-Chicken Inn idlala le Triangle
Iqembu leZPC Kariba lizadlala lele Ngezi Platinum Stars enkundleni yeNyamhunga kuthi eleChicken Inn lizemukela eleChapungu enkundleni yeLuveve.
NgeSonto iTriangle izadlala leHighlanders eGibbo njalo ukaputeni weBosso uFelix Chindungwe uthi kuzamele babophe ziqine ngemva kokunqotshwa kumidlalo emibili edluleyo.
Your browser doesn’t support HTML5
Udaba Lusethulwa nguJoseph Njanji