Ibandla leZanu PF lithi selimise ukudilizwa kwezindlu zabantu nguhulumende endaweni ezifana leHarare kanye laseMelfort eMashonaland East lapho ikhansili yeGoromonzi edilize khona izindlu ngempelaviki isithi zakhiwe ngaphandle komthetho.
Ngokubika kwenkundla yeZimLive, isiphathamandla sebandla leli uMnu Obert Mpofu utshele intathelizindaba eHarare izolo ukuthi ukubhidlizela abantu izindlu lokhu yokudiliza impilo zabo kanti njalo yikuswela isihawu.
Umphathintambo obona ngokwakhiwa kwezabelo uMnu July Moyo laye ukufakazile ukumiswa kohlelo lolu ekhuluma lentatheli ngoMvulo.
Olwela amalungelo oluntu uMnu Mthulisi Hanana utshele iStudio 7 ukuthi uhulumende kumele ahlawule abantu abadilizelwa izindlu laba.
Your browser doesn’t support HTML5
Ingxoxo loMnu Mthulisi Hanana