Inhlanganiso yezisebenzi eye Zimbabwe Congress of Trade Unions (ZCTU) ikhangelelwe ukuthi izakhokhela ukutshengisela okuzenziwa ngoLwesine eHarare phezu kokuqonga kwentengo yempahla ezitolo.
UMnu. Ambrose Sibindi, omele iZCTU eMatabeleland, uthi okubazondisayo futhi ngokwethulwe nguMnu. Mthuli Ncube, umphathintambo wezemali, ofisa ukuthi abantu bahlawule umthelo wokuthumeza imali ngomakhalekhukhwini.
Your browser doesn’t support HTML5
Ingxoxo Esiyenze LoMnu. Ambrose Sibindi
Umuntu othumeza imali ngomakhalekhukhwini kumele ahlawule 2 cents idola linyengalinye nxa ethumeza amatshumi amabili amadola ($10).
Amanye amabandla aphikisayo lezinye inhlanganiso lazo zithi zizaphatheka ekutshengiseleni lokhu.
UMnu. Gift Ostallos siziba, osakhulayo okubandla leMovement for Democratic Change (MDC) ekhokhelwa nguMnu. Nelson Chamisa uthi sesifikile isikhathi sokuthi babambisane labanye abantu bevezele uhulumende ukuthi kabathokoziswa ngokwenzakala kwele Zimbabwe.
Uthi bazaphathisana lezisebenzi emigwaqweni njengoba kusobala ukuthi umnotho welizwe ubhidlika ngamandla ngaphansi kukahulumende kaMongameli Emmerson Mnangagwa.
Your browser doesn’t support HTML5
Ingxoxo Esiyenze loMnu. Ostalos Siziba
Kasenelisanga ukukhuluma leziphathamandla zikahulumende ngodaba lolu.