Inengi lezakhamizi zeNkayi ezingelancwadi zokuzalwa kanye lezithupha zithi zilokhu zibhekane lengxaki ezitshiyeneyo ezivimbela ukuthi zithole lezincwadi njalo zenelise ukubhalisela ukuvota kuhlelo olusaqhubekayo olwe Voter Registration Exercise.
Inhlanganiso ebona ngokuqhutshwa kokhetho eye Zimbabwe Electoral Comission (ZEC) ithi abantu abedlula izigidi ezinhlanu sebebhalisele ukuvota selokhu uhlelo lolu lwasungulwayo ngomnyaka odluleyo.
Kodwa i-ZEC ithi inani labantu ababhalisela ukuvota ezigabeni zeMatabeleland kanye ledolobheni lakoBulawayo liphansi kakhulu nxa liqathaniswa lelakwezinye izigaba zelizwe.
Ukuze sizwe okunengi ngokwenzakala eNkayi, sixoxe lesiphathamandla sebandla leMDC-T kulesosigaba, ukhansila Sicelo Mpofu, ongumgcinisihlalo weNkayi Rural District Council.
UMnu. Mpofu uthi abanye abalamali yokugada amabhasi ukuyathatha izithupha eNkayi Centre.
Your browser doesn’t support HTML5
Ingxoxo LoKhansila Sicelo Mpofu