Ikhomishini ebona ngokuqhutshwa kokhetho, iZimbabwe Electoral Commission (ZEC) ithi ilizwe selingaqhuba ukhetho lwamaBy-elections ukuze kugcwaliswe izikhala esezivulekile ephalamende lakumakhansili.
Ikhomishini le yayimise ukhetho lonke elizweni ngoMabasa ngenxa yegciwane leCoronavirus.
Umgcinisihlalo wayo uNkosikazi Priscillah Chigumba uthi izikhala ezedlula amatshumi amabili edale lephalamende lakumakhansila kumele zigcwaliswe kukhetho oluzakwenziwa mhla 5 ngenyanga kaMpalakazi.
Izikhenxe ezinengi zadalwa yikuxotshiswa kwamalunga eMDC Alliance edale lephalamende libandla leMDC-T.
Esinye savuleka ngemva kokuxotshwa kukaMnu Killer Zivhu libandla leZanu PF.
Abanye bathi iMDC-T kayisoze yenelise ukunqoba kulolukhetho ngoba abantu abanengi bethesa uNkosikazi Thokozani Khupe labanye bakhe umlandu wokotha umlilo munye lebandla leZanu PF.
Kodwa isiphathamandla seMDC-T uMnu Witness Dube utshele iStudio 7 ukuthi balethemba lokuthi bazanqoba. Wengeze wathi lemali yokukhankasa balayo.
Your browser doesn’t support HTML5
Ingxoxo loMnu Witness Dube