Ababona ngezempilakahle eZimbabwe bathi usekhitshiwe esibhedlela eHarare umuntu obecatshangelwa ukuthi ulesifo seCoronavirus.
UDokotela Portia Mananganzira, obona ngokunqabelwa kwemikhuhlane, uthi umuntu lo okungavezwanga igama lakhe ongene esibhedlela izolo evela kwele China, ufumaniswa engela gcikwane lomkhuhlane lo.
Kulabantu asebefundiswe ukulwisana lomkhuhlane weCoronavirus ezibhedlela kwele Zimbabwe. (Photo: Mavis Gama)
UDokotela Mananganzira uthi uzabe ekhangelwa isimo sakhe ngabezempilakahle.
Kusenjalo, uMnu. Sibusiso Tshuma, odabuka eZimbabwe ohlala esabelweni seHubei kwele China okuqhamuke umkhuhlane weCoronavirus, uthi usesebenzisa imali abeyigcinile ukwenzela ukuziphilisi.
UTshuma uthi kunzima ukuhlala endaweni okulabantu abalomkhuhlane lo.
Umkhuhlane lo usubulele abantu phose abafika inkulungwane ezinthathu – 2,900. Abehlula inkulungwane ezingamatshumi ayisitshiyangalombili lanhlanu – 85,000 kubikwa ukuthi balegcikwane leCoronavirus.
Kulabantu abanengi abadabuka eZimbabwe abahlala kwele China.
Your browser doesn’t support HTML5
Odabuka eZimbabwe Ohlala eChina Okulomkhuhlane weCoronavirus Ukhuluma Ngesimo Sakhe