UMongameli Emmerson Mnangagwa uthi uzulu kumele amanyane akhangele okokulungisisa umnotho welizwe njengoba ukhetho solwadlula.
Embikweni wakhe wokuhlangabeza umnyaka omutsha, uMnangagwa, okukhefu, uthi kulezibonelo ezikhomba ukuba umnotho welizwe uzathuthuka ngomnyaka ozayo.
Uthi njalo umnyaka ka2018 ubunzima kakhulu kodwa ngokubekezela kukazulu ilizwe lenelise ukuqhubeka lisenza imizamo etshiyeneyo eyokuthuthukisa ilizwe.
Ukuhlaziya loludaba sixoxe lengcwethi ecubungula ezombusazwe, uMnu. Methuseli Moyo, othi, "Ye abantu bazwile umbiko, bazwile izithembiso. Abantu sebekhangelele ukuthi njengoba u2019 eqalisa ukuthi kuyamba kahle. Nxa uhulumende ehamba kuhle siyezwa kuthiwa imali leyo ethathwa yi-government isize yabanengi kulalokho akade bekucabangela."
Uthi lanxa kunjalo nxa kungalungisiswanga okuhluphayo okufana lokuswelakala kwamafutha ezimota, ama bond notes lokuswelakala kwempahla ezitolo, kuzamele asheshe sibili ukwenzela ukuthi abantu bakubone lokhu akuthembisayo.
UMoyo uthi kunzima ukuthi abantu bethi kuzakubangcono ngoba abanengi sebelahlekelwa lithemba.
Uthi osekukhulunyiwe okufana lokuthi kuzaqhatshwa amatitshala amanye lokunye akutshengisi ububelo kwezomnotho welizwe.
Your browser doesn’t support HTML5
Ingxoxo loMnu. Methuseli Moyo