EzeZimbabwe

Izizalwane zeZimbabwe Zibotshelwa Ukwemba Igolide Okungekho Emthethweni eBotswana

A revolver believed to be the gun Dutch 19th century painter Vincent Van Gogh would have used to kill himself on 27 July 1890 is on public display on June 14, 2019 at Paris' Drouot auction house  before it goes under the hammer later today.

GABORONE, BOTSWANA — 

Amapholisa akwele Botswana athi akhathazwa yikwanda kwabemba igolide okungekho emthweneni kulelolizwe bengabe Zimbabwe.

Lokhu kulandela abathathu abamiswe phambi kukamantshi edolobheni leFrancistown besetheswa icala lokwemba igolide bengalemvumo abaziwa ngelokuthi ngotsheketshe eZimbabwe.

Abathathu laba abasakhulayo abavela eKwekwe kwele Zimbabwe bamiswe phambi komthethwandaba weFrancistown ngoLwesihlanu.

UAphinos Nhamo, Elliot Chikwedere kanye loTalent Munzari, bonke batshele umthethwanda ukuthi abasebenzi. Babanjwa ngoNhlangula besemba igolide komunye umfula osemzini weMatsiloje duzane lomngcele weZimbabwe leBotswana.

Your browser doesn’t support HTML5

Udaba Esilethulelwe NguMartin Ngwenya

Babencedisana lomunye oweBotswana uMarko Mbokodo njalo bonke balivumile icala lokuthi batholakale bengela maphepha kumbe imvumo yokuthi bagebhe igolide.

UMbokodo njalo uyetheswe omunye umlandu wokutholakala elegolide elilesindo samagram aphose abengamatshumi amabili alentengo engamapula ayizinkulungwane eziyisi fica munwe mbili (P8,000).

Umantshi uMnu. Kaveri Kapeko udlulisele phambili udaba lolu ku 24 Lwezi lapho umtshutshisi wenkantolo ozabeka okwenzakala ngelanga lokubotshwa.

AbeZimbabwe bazalinda udaba lwaba bengaphandle ngemva kokuba umantshi avume ukuthi baphiwe ibail ngoba belamaphepha okuhlala eBotswana esithi amathuba okuthi babaleke aphansi.