Kuhlelo lwezizalwane zeZimbabwe ezihlala emazweni, lamuhla sixoxa ngobuthano omkhulu wezizalwane zamazwe ezansi kwezwekazi leAfrica lakwamanye ozakwenziwa kusukela ngoLwesihlanu eMelika.
Umhlangano lo obizwa ngokuthi yiSouthern African Reunion uzaqalisa ngombukiso wezigqoko kulandele imidlalo yenguqu lokunye okutshiyeneyo eHoward County Sports Center.
Omunye walabo abaqoqa lokhu nguNkosazana Siyanda Masiza uthi kulesethekeli esiqakathekileyo esivela eBotswana esizabe sisembukisweni wempahla iSouthern African Fashion Show.
Uthi kukhangelelwe ukuthi kube labantu abanengi embuthanweni lo okwedlula nyakenye lanyakomunye.
UNkosazana Masiza uthi kwakulabantu abedlula amakhulu amabili njalo lonyaka kucatshangelwa ukuthi bazedlula inani leli ngekhulu.
Uphinde wathi uzulu uzakholisa ukudla okutshiyeneyo njalo lokudlala umdlalo wenguqu.