Abasekeli bebandla leZanu PF bathi udlakela olusetshenziswe ngamapholisa ngoLwesithathu eHarare esigodweni sebandla leMDC belulungile ngoba abasekeli bebandla leMDC bebesenza umsindo besenqabela uzulu ukwedlula emigwaqweni.
Unobhala kugatsha lwezokwethulwa kwemibiko, uMnu. Nick Mangwana, eloba ebulenjini beTwitter, uthe nxa ubudlwangudlwangu bungekelwa bumemetheka elizweni bungabhidliza ilizwe.
Abanye njalo abasekeli bebandla leZanu PF bathi abasekeli bebandla leMDC bekungamelanga babuthane phandle kwesigodlo sebandla labo.
Kodwa abebandla leMDC bathi kuyamangalisa ukuthi amapholisa adumele labantu abazihlabelayo bengenzi udlakela.
Ukuhlaziya loludaba sixoxe lesiphathamandla sebandla leMDC, uMnu. Sengezo Tshabangu, loMnu. Joseph Tshuma, okubandla leZanu PF.
Your browser doesn’t support HTML5
Udaba Silethulelwa ngu Chris Gande