Amapholisa ensitha abikwa edinga ngamehlo abomvu ingwalo zebandla leZAPU okucatshangelwa ukuthi zatshiywa ngumuyi uDumiso Dabengwa ezandleni zomqondisi wenhlanganiso yeDumiso Dabengwa Foundation.
UMnu. Mthulisi Hanana, umqondisi wenhlanganiso le okwamanje usebaleke kwele Zimbabwe wayaphephela eSouth Africa kulandela ukwethuselwa kwakhe labanye asebenza labo ngamapholisa ensitha.
Kubikwa ukuthi uHanana wazondisa iziphathamandla zikahulumende ngombiko awethula esililweni sikamuyi lapho achothoza khona uhulumende obusayo esithi uDabengwa kumele lapho ayakhona atshele ayesilwa labo ngesikhati sempi yenkululeko ukuthi ilizwe leZimbabwe selibuswa nzima.
Wathi uDabengwa kumele abikele owayekhokhela ivuyo leZIPRA, uLookout Masuku, ukuthi abambulalayo lokhu besidla amabele.
Your browser doesn’t support HTML5
Ingxoxo Esiyenze LoMnu. Mthulisi Hanana
UMnu. Joseph Tshuma webandla leZanu PF uthi kuyamangalisa okukhulunywa nguHanana.
Your browser doesn’t support HTML5
Ingxoxo Esiyenze LoMnu. Joseph Tshuma
UDabengwa, owayekhokhela ezomvikela lokunye okutshiyeneyo kuZapu kanye lakuvuyo leZIPRA ngesikhathi sempi yenkululeko, wabhubha evela kwele India lapho ayeselatshwa khona isifo sesibindi.
Wake wakewabotshwa wavalelwa entilongweni nguhulumende kowayengumongameli uMnu. Robert Mugabe owathi wayefuna ukumsusa embusweni ngodlame. UMasuku wabhubhela entilongweni.