Abantu abanengi babhidlikelwe yizindlu balahlekelwa yikudla lempahla etshiyeneyo eHwange ngoMgqibelo kuze kune izilu lesikhukhula.
Abakhulume lentathelizindaba zomsakazo weStudio 7 bathi kabakaze balibone izulu elinengi kangaka eHwange eline amanzi angena ezindlini akhukhula impahla lezifuyo ezigoqela inkukhu, imvundla lezinye.
Kubikwa ukuthi akulamuntu obulewe lizulu leli. Kasenelisanga ukukhuluma ngodaba lolu lehlangothi olubona ngokuhlenga abasengozini olweCivil Protection Unit ebikwa ukuthi isizama ukunceda ababhidlikelwe yizindlu.
Omunye wabalahlekelwe yimpahla nguNkosazana Sophia Munkuli ohlala eHwange.
Your browser doesn’t support HTML5
Sophia Munkuli: Sithithibele Ngezulu Eline Okumangalisayo eHwange
Siphinde saxoxa ngodaba lolu loMnu. Thulani Moyo, osebenzelana lomele iHwange Central edale lephalamende uMnu. Daniel Molokele, othi kubi kakhulu okwenzakale endaweni le.
Ikhansili yedolobho leHwange ibambisana lohulumende ikhangelelwe ukuthi izahlolisisa umonakalo owenzakale edolobheni leli.
Your browser doesn’t support HTML5
Thulani Moyo: Zinengi Izindlu Ezigcwale Amanzi Kulandela Ukuna Kwezulu Lesikhukhula