Abantu abahlala ezindlini zabanikazi emalokitshini eVictoria Falls, okugoqela amapholisa, sebesehluleka ukubhadala imali efunakalayo ngenyanga.
Abanikazi bezindlu bafuna ukuhlawulwa ngedola leMelika lobanje izisebenzi zonke zihola amaRTGS dola. Bathi imali yeRTGS ayiselancedo ngoba isigugudeke okokuthi kayisasebenziseki.
Lokhu sokwenze ukuthi abanikazi bezindlu baxotshe abehluleka ukuhlawula imali ngedola leMelika.
Abehluleka ukuhlawula imali efunakalayo esuka kumadola angamatshumi amahlanu kusiyaphezulu sebexotshwa ezindlini abahlala kizo.
UMnu. Godfrey Dube, omele iHwange West edale lephalamende, uthi bathwele nzima abantu abahlala ezindlini zabanikazi.
Kasenelisanga ukukhuluma ngodaba lolu leziphathamandla zikahulumende ezibona ngenhlalakahle kazulu.
Your browser doesn’t support HTML5
Ingxoxo Esiyenze LoMnu. Godfrey Dube