Abathenga bethengisa impahla emigwaqweni bathi itholakala nzima imali yokuthenga abakufunayo kwamanye amazwe.
Abalamabhizimusi amancane athenga ngama rands lama pula bathi imali le isilihlo lentwala ngoba amapholisa abopha labo abatholakala beyithengisa emigwaqweni.
Bathi loba kunjalo, leyo abayitholayo ilesisindo esithiyenayo mihla lemihla okwenza ukuthi bengatholi inzuzo kulokhu abakuthengisayo.
Uhulumende usanda kuvimba ukusetshenziswa kwemali yakwamanye amazwe kwele Zimbabwe.
UNkosazana Pretty Mpofu, othenga ethengisa impahla emigwaqweni koBulawayo, uthi kunzima kakhulu ukudinga imali yokuthenga okutshiyeneyo kwele Botswana lakwele South Africa.
UMaMpofu uthi, “Kulez’insuku bayabopha emigwaqweni. Ngakho-ke kumele ukuthi nxa uthenga imali ucatsha ngoba bayakubopha. Kodwa lokhu sokudala ukuthi kubelokungethembeki okugoqela lamapholisa. Nxa ufisa ukuzivikela kumele unike okuncane.
“Akuqedakala ukuthi kwenzakalani emigwaqweni ngoba yibo abafaka ama exchange rates. Uthenga ngentando yabo. Emabhanga kasiyitholi imali yakwamanye amazwe. Siphelelwe silapha ngoba kasisatholi lenzuzo le okuthiwa yi-profit.”
Your browser doesn’t support HTML5
Ingxoxo Esiyenze LoNkosazana Pretty Mpofu
Inengi labantu eZimbabwe baphila ngokuthenga bethengisa impahla etshiyeneyo.