Ibandla le Zanu PF likhangelelwe ukuthi lamuhla lizakhetha uMongameli Emmerson Mnangagwa ukuthi ancintise kukhetho oluzakwenziwa ngomnyaka ozayo.
Abalandeli bebandla leli base Harare okwamanje lapho abazakwenza khona umhlangano we Extra Ordinary Congress wokukhetha inkokheli entsha kulandela ukususwa kuka Mnu. Robert Mugabe esikhundleni sika mongameli libutho libambisana labanye abalandeli bebandla leli.
UMugabe kasoze abekhona emhlanganweni lo okokuqala selekho wakhethwa ukuthi akhokhele ibandla le Zanu ngesikhathi sempi yenkululeko.
Umlandeli webandla leZanu PF.
UMnu. Joseph Tshuma, okudale le Zanu PF Central Committee, uthe akumelanga abantu basole ukuthi uMnangagwa uzakhethwa ukuthi abengunobhala njalo lomongameli webandla elibusayo.
Uphinde wasola abachothoza ukuthi uMnangagwa uzakhethwa ukuthi ancintise kukhetho oluzayo.
“Abantu vele sebehlala besola. Umuntu vele nxa edaliwe kanenginengi ufuna ukuhlala esola. Akulanto enhla vele angayibona isenzakala. Kodwa mina ngibona engani bekuyisikhathi sinike uMnu. Mnangagwa ukuthi laye asebenze siyephambili.”
Your browser doesn’t support HTML5
Ingxoxo Esiyenze LoMnu. Joseph Tshuma
UMnu. Kembo Mohadi
Kodwa-ke ababukele okwenzakala kubandla leli bathi umhlangano lo we congress kawusoze uncede abantu be zimbabwe. Omunye wabo nguMnu. Clement Moyo, olwela ilungelo likazulu.
UMoyo uthe, “Umhlangano weCongress webandla leZanu PF kawuzake uncede abantu ngoba selenza imihlangano enje kanenginengi kodwa umnotho umanikiniki njalo labantu bayahlupheka eZimbabwe.”
Your browser doesn’t support HTML5
Ingxoxo Esiyenze LoMnu. Clement Moyo