Amapholisa athi abophe usomabhizimusi weGwanda olebhutsha uMnu Irimai Muringa lezisebenzi zakhe ezine ngemva kokutholakala belenyama yenkomo ezintathu ezitshontshiweyo.
Inyama le itholakale esilaheni inkomo zisanda kuhlinzwa njalo ezimbili bezingakabulawa.
Lokhu kwaziswe yisikhulumeli samapholisa uMnu Paul Nyathi kumbiko awethule ngeSonto.
Uthe amapholisa adinga njalo umsolwa ogama lakhe nguBriton Siziba phezu kwesehlakalo esehlukileyo esokuntshotshwa kwenkomo eziyisithupha esezitholakele ezigcinwe eGwanda Show Grounds.
Owake wamela iGwanda edale lephalamende uMnu Thandeko Zinti Mnkandla utshele iStudio 7 ukuthi ayisikho okwakuqala ukuthi uMuringa abotshelwe icala lokweba inkomo.
Your browser doesn’t support HTML5
Ingxoxo loMnu Thandeko Zinti Mnkandla