Uzulu uthi ukhathazekile kakhulu ngokwanda kwezehlakalo zobugebengu obufana lokubamba inkunzi osokuyinsakavukela elizweni.
Amapholisa athi amasela antshontsha ehlome ngemibhobho asemanengi kakhulu elizweni, ngakho athi uzulu kumele ahlale elimukile.
Ngeviki edluleyo koBulawayo kulamasela angene emagalajini amabili athengisa amafutha ezimota ehlomile antshontsha imali engangeUS$15,000 kwelinye igalaji kwathi kwelinye antshontsha iUS$2,000.
Izolo koBulawayo njalo amasela abehlomile angene ebhanga elintshintsha imali i-bureau de change ekuseni antshontsha imali angakaziwa ukuthi inganani.
Ocubungula ngenhlalakahle kazulu uMnu Useni Sibanda uthi ukusilela kwemisebenzi ngenxa yomkhuhlane weCoronavirus yikho okwengeze ubugebengu lobu.
Your browser doesn’t support HTML5
Ingxoxo loMnu Useni Sibanda