Ziyavulwa izikolo ngoMvulo, lendubo zokusilela kwemali lazo ziyavulwa kubazali. Izikolo zivulwa ilizwe liphakathi kodubo lokuswelakala kwemisibenzi, ukuvalwa kwamafekitali lezinye indubo zomnotho welizwe.
UChris Gande weStudio Seven uxoxe lomzali, uMnu. Ambrose Sibindi, njalo eyisiphathamandla senhlanganiso yezakhamizi zakoBulawayo, iBulawayo Progressive Residents’ Association ukuze sizwe imbono yakhe ngaloludaba.
Your browser doesn’t support HTML5
Ingxoxo loMnu. Ambrose Sibindi
Kunjalo nje, amatitshala abekhangelelwe ukuhlanga leziphathamandla zikahulumende ngolwesithathu kodwa lumhlangano ubikwa usudluliselwe phambili ngelanga elingakaziswa. Amatitshala athi athwelenzima ngoba iholo lawo liphansi njalo kawasazi ilanga lokuthi iholo liza nini.
Sixoxe lonobhala jikelele wenhlanganiso elwela ilungelo lamatitshala, iZimbabwe Teachers’ Assocaition, iZIMTA, uMnu. Sifiso Ndlovu ukuze sizwe ukuthi bona bathi ngelanga lokuvulwa kwezikolo.
Your browser doesn’t support HTML5
Ingxoxo loMnu. Sifiso Ndlovu