WASHINGTON —
Uhulumende ngoLwesine uxotshe elizweni intathelizindaba ezimbili zomsakazo weBhilithani oweSky News. Intatheli lezi nguGarwen McLuckie loAlex Crawford.
Iziphathamandla zogatsha lweImmigration zihluthune ababili laba ngoLwesithathu eHarare ebusuku zaya labo egcekeni lendizamtshina basebexotshwa elizweni ekuseni.
Uhulumende uthi ababili laba bebesebenza bengela mvumo.
Ngakolunye uhlangothi, amapholisa abophe intatheli yeReuters uMnu Philemon Bulawayo ethatha imfanekiso yabasekeli beMDC-T abahlangabeze uMnu Morgan Tsvangirai eHarvest House.
Ukhululwe uBulawayo engetheswanga cala. Umqondisi wenhlanganiso yeMisa-Zimbabwe uMnu Nhlanhla Ngwenya usole ukuhlukuluzwa kwentathelizindaba lezi.