Kumbiko osuphehle ukungahlaliseki ebantwini abalwela amalungelo oluntu, amapholisa athi aphakathi kokulungiselela ukubopha abantuthize abetheswa amacala okuhlukuluza iziphathamandla zikahulumende enkundleni zokuxhumana (cyber-bullying), ebulenjini be-internet.
Amapholisa axwayise uzulu izolo ukuthi kulicala elibophisayo ukuhlukuluza kumbe ukwethusela izisebenzi zikahulumende nxa zisenza umsebenzi wazo.
Athe kulabasolwa angabaqambanga ngamagama abazi ukuthi bazabotshwa nje maduze asebesethusela iziphathamandla zikahulumende enkundleni lezi.
Inkundla zokuxhumana ku-internet ezidumileyo zigoqela iFacebook leTwitter.
Esikhathini esinengi abanye bayabe bebuza iziphathamandla lezi ngemisebenzi yenkohlakalo ebikwa isenzakala kuhulumende.
Ingcwethi kwezombusazwe uMnu Zenzele Ndebele uthi yibo kanye abakhuluma ngenkohlakalo kanye lenthathelizindaba abakhanya bejongwe ngamapholisa.
Your browser doesn’t support HTML5
Ingxoxo loMnu Zenzele Ndebele