Inhlanganiso yeZimbabwe Peace Project ithi abasakhulayo beZanu PF babamba uzulu weMutare ngamandla ukubhadala imali ezasetshenziswa ekuqoqeni umhlangano kaMongameli Mugabe ngoLwesihlanu.
Embikweni ewethule ngoLwesine, iZPP ithe abasakhulayo laba bahamba betshela abaphathi bezikolo labathengisa ezitaladeni ukuthi kumele bavale amabhizimusi abo baze emhlanganweni lo kanye labantwana besikolo.
IZPP ithi lokhu yikwephula amalungeo oluntu okusegcekeni ngoba kungelamuntu omele ebanjwe ngamandla ukusekela ibandla angalifuniyo.
Osakhulayo olwela amalungelo oluntu njalo okunhlanganiso yeEducation and Unemployed Youth Forum of Zimbabwe, uMnu. Zenzo Nyoni, laye uvumelane leZPP.
Your browser doesn’t support HTML5
Ingxoxo loMnu Zenzo Nyoni
Lanxa singenelisanga ukukhuluma leziphathamandla zeZanu PF, inhlanganiso yeElection Resource Center isincome lelibandla ngokuphumela egcekeni zisola udlakela kwezombusazwe.
Isikhulumeli salelibandla, uMnu. Simon Khaya Moyo, uphume kuphephandaba leNewsDay ngoMvulo ekhuthaza ukuthula phambilini kokhetho oluzayo.