Abenhlanganiso ezisebenzelana lozulu kanye lohulumende we Zimbabwe bamanyane emkhosini wesine wokunanza labo abasebenzelana lenhlanganiso eziphathisana lozulu ele “World Humanitarian Day”. Ekhuluma emkhosini owenzelwe emahofisini eWorld Food Programme, umeli we WFP eZimbabwe, uMnumzana Vladimir Jovcev uthi laba bantu baphatha umsebenzi oqakathekileyo.
Emazwini akhe awethule emkhosini munye umsekeli kamphathintambo wogatsha olubonna ngezobudlelwano phakathi kwamazwe asesigabeni kanye lomhlaba wonke jikelele uMnumzana Reuben Marumahoko utshele lezinkokheli zenhlanganiso ukuba uhulumende uyabaqakathekisa kakhulu laba bantu abaphathisana lozulu. Kubika intathelizindaba yeStudio 7 uMavis Gama eseHarare.
