BULAWAYO —
Iqembu labesilisa elimela ilizwe emdlaweni wenguqu elama Warriors liqhubekela phambili lisephula inhliziyo zabalandeli bomdlalo lo eZimbabwe ikanti ngakwelinye icele iqembu labesifazane ele Mighty Warriors litshengisa ingqubelaphambili ekudlaleni kwalo.
Iqembu lama Warriors liphenduke inhlekisa ngemva kwezehlakalo zensuku ezedluleyo lapho elihambe khona liyiziqamu lisiya elizweni le Guinea ukuyadlala umdlalo wokudinga amaqembu azamela izwekazi lase Africa kumncintiswano we zizwe zomhlaba ngomnyaka ozayo.
I Zimbabwe ihambe eGuniea ilabadlali abalitshumi lane njalo bengamaxuku atshiyeneyo ngenxa yokungabi khona kwemali yokuthenga amatikiti aneleyo yafika khonale yadliwa nge 1 ka nya ngeSonto okutsho ukuba ilokhu kuyiyo ejeke amanye amaqembu kusibaya sika Group G ilomklomelo owodwa.
Iqembu lase Egypt yilo eliphumelele ukuya kusigaba esilandelayo kulesisibaya ngemva kokubuthelela imiklomelo elitshumi lanhlanu kumidlalo emihlanu.
Kusenjalo iqembu elimela ilizwe emdlalweni kanobhutshuzwayo kucele labesifazane ele Mighty Warriors libe ngutshiki lobhanqa 1 -1 leqembu le Banyana-Banyana emdlalweni wokuzwana amandla obuselizweni le South Africa ngoMgqibelo.
IZimbabwe yiyo eqale ukuhlohla njalo limpumela ikhomba ukuba leliqembu selithuthuke kakhulu ngoba eminyakeni edluleyo belibhulwa kabuhlungu ngele South Africa.
Okudida ingqondo yikuba abesifazane baqhuba ngcono kulelabesilisa loba nje iligi yabo yalonyaka ilokhu ingakaqali sekuze kwaba phakathi komnyaka ngenxa yokuswelakala kosekelo lwemali ikanti elabesilisa liyehluleka kodwa eyabo iligi ihamba kuhle.
Imidlalo yenguqu kusigaba se Castle Premier Soccer League iqhubekela phambili ngoLwesithathu ngemva kokuhlaba ikhefu lamaviki amabili kudedelwa imidlalo yeqembu lesizwe.
Ekhuluma ngemva komdlalo wabo leqembu le Black Rhinos ngensonto umqeqetshi weqembu le Highlanders u Kelvin Kaindu uthe ikhefu liphe ithuba abadlali bakhe abakade belimele ukuba baphole.
I Highlanders izangqikilana leqembu le Chicken Inn enkundleni ye Barbourfields ngoLwesithathu ikanti eminye imidlalo ekhona ngosuku olufanayo izadlalwa ngokulandelayo.
IBlack Mambas izadibana le Shabanie Mine eMorris Depot, i Buffaloes izemukela iDynamos eSakubva, iBlack Rhinos ile Tripple B ngase Rimuka, iCaps United izadlala leHwange eNational Sports Stadium kuthi i-Motor Action izahlangana le FC Platinum ngase Motor Action Sports Club.
NgoLwesine i-How Mine izadibana leTriangle ngase Luveve kuthi iHarare City izadlala le Monomotapa eRufaro.
Iqembu lama Warriors liphenduke inhlekisa ngemva kwezehlakalo zensuku ezedluleyo lapho elihambe khona liyiziqamu lisiya elizweni le Guinea ukuyadlala umdlalo wokudinga amaqembu azamela izwekazi lase Africa kumncintiswano we zizwe zomhlaba ngomnyaka ozayo.
I Zimbabwe ihambe eGuniea ilabadlali abalitshumi lane njalo bengamaxuku atshiyeneyo ngenxa yokungabi khona kwemali yokuthenga amatikiti aneleyo yafika khonale yadliwa nge 1 ka nya ngeSonto okutsho ukuba ilokhu kuyiyo ejeke amanye amaqembu kusibaya sika Group G ilomklomelo owodwa.
Iqembu lase Egypt yilo eliphumelele ukuya kusigaba esilandelayo kulesisibaya ngemva kokubuthelela imiklomelo elitshumi lanhlanu kumidlalo emihlanu.
Kusenjalo iqembu elimela ilizwe emdlalweni kanobhutshuzwayo kucele labesifazane ele Mighty Warriors libe ngutshiki lobhanqa 1 -1 leqembu le Banyana-Banyana emdlalweni wokuzwana amandla obuselizweni le South Africa ngoMgqibelo.
IZimbabwe yiyo eqale ukuhlohla njalo limpumela ikhomba ukuba leliqembu selithuthuke kakhulu ngoba eminyakeni edluleyo belibhulwa kabuhlungu ngele South Africa.
Okudida ingqondo yikuba abesifazane baqhuba ngcono kulelabesilisa loba nje iligi yabo yalonyaka ilokhu ingakaqali sekuze kwaba phakathi komnyaka ngenxa yokuswelakala kosekelo lwemali ikanti elabesilisa liyehluleka kodwa eyabo iligi ihamba kuhle.
Imidlalo yenguqu kusigaba se Castle Premier Soccer League iqhubekela phambili ngoLwesithathu ngemva kokuhlaba ikhefu lamaviki amabili kudedelwa imidlalo yeqembu lesizwe.
Ekhuluma ngemva komdlalo wabo leqembu le Black Rhinos ngensonto umqeqetshi weqembu le Highlanders u Kelvin Kaindu uthe ikhefu liphe ithuba abadlali bakhe abakade belimele ukuba baphole.
I Highlanders izangqikilana leqembu le Chicken Inn enkundleni ye Barbourfields ngoLwesithathu ikanti eminye imidlalo ekhona ngosuku olufanayo izadlalwa ngokulandelayo.
IBlack Mambas izadibana le Shabanie Mine eMorris Depot, i Buffaloes izemukela iDynamos eSakubva, iBlack Rhinos ile Tripple B ngase Rimuka, iCaps United izadlala leHwange eNational Sports Stadium kuthi i-Motor Action izahlangana le FC Platinum ngase Motor Action Sports Club.
NgoLwesine i-How Mine izadibana leTriangle ngase Luveve kuthi iHarare City izadlala le Monomotapa eRufaro.