amalinks wokungena

Breaking News

Ummeli WeZimbabwe eAustralia Wesaba Ukuphenduka eKhaya


Zimbabwe Ambassador Jacqueline Zwambila.
Zimbabwe Ambassador Jacqueline Zwambila.

UNkosazana Jacquiline Zvambila obesemele abuyele ekhaya usecele ukuphephela kulelolizwe esithi wesebela impilo yakhe engaya ekhaya

Obengummeli weZimbabwe kwele Australia engowebandla leMDC-T, uNkosazana Jacquiline Zvambila obesemele abuyele ekhaya usecele ukuphephela kulelolizwe esithi wesebela impilo yakhe engaya ekhaya.

Iphephandaba le Canbera Times lithi uZvambila, owake wetheswa icala lokunqula phambi kwezisebenzi zesigodlo seZimbabwe khonale e Australia ekhonona ngokwakwenzakele, uthi wethuselwa ngabantu abangaziwayo besithi engalokothi abuyele ekhaya.

Umthethwandaba wathi udaba lokunqula lungamanga. Isikhulumeli sebandla leDC-T, uMnu. Douglas Mwonzora utshele iStudio 7 ukuthi bayayizwisisa indaba ka Zvambila njalo bafuna uhulumende athembise ukuthi kasoze ahlukuluzwe engaphenduka ekhaya.

Kodwa isikhulumeli seZanu PF, uMnu. Rugare Gumbo utshele iStudio 7 ukuthi kuyabamangalisa okukhulunywa nguzvambila njalo abakukholwa ukuthi impilo yakhe isengozini engaphindela ekhaya.
XS
SM
MD
LG