amalinks wokungena

Breaking News

2013: Umnyaka IMDC-T Efisa Ukuwukhohlwa Ngesiphangiphangi


Zimbabwe's Prime Minister Morgan Tsvangirai gestures during a media briefing in Harare Aug. 3, 2013.

Insolo enkulu ngoMnu. Tsvangirai yagxila kundlela aziphatha ngayo empilweni yakhe yangasese, ikakhulu ngezehlakalo ezandulela umtshado wakhe loNkosikazi Elizabeth Macheka ngemva kokwala omunye owayethembise ukumthatha-unkosazana Lorcadia Karimatsenga Thembo

Isehlakalo esimqoka esamangalisa icele leMDC elikhokhelwa nguMnu. Morgan Tsvangirai kumnyaka ka 2013 esesiwugqiba kumalanga amalutshwana alendalayo yikunqotshwa libandla le Zanu PF kukhetho lokudinga uMongameli lamalunga edale lephalamende kunye lamakhansila ezabelo ekupheleni kwenyanga kaNtulikazi.

Okunengi ngaloludaba asikuzweni kuntathelizindaba yethu usithandekile mhlanga ehlaziya izehlakalo ezimqoka ezitshiyeneyo ezandulela lolukhetho kanye lekusasa yalelibandla.

Inengi lasola ukuziphatha kwenkokheli yalelibandla egoqela umnu. Tsvangirai besithi ngeyinye yembangela yokunqotshwa kulolukhetho.

Insolo enkulu ngoMnu. Tsvangirai yagxila kundlela aziphatha ngayo empilweni yakhe yangasese, ikakhulu ngezehlakalo ezandulela umtshado wakhe lonkosikazi elizabeth macheka ngemva kokwala omunye owayethembise ukumthatha-unkosazana Lorcadia Karimatsenga Thembo.

Lanxa uKarimatsenga waphumelela ukumisa umtshado lo emthethwandaba, ababili laba baqhubeka bazitshadela bengasayinanga amaphepha okufakaza lumtshado, khona okungasicala ngesintu.

Inengi lenhlanganiso zabesifazana lazwela usizi unkosazana karimatsenga, yena owayezithwele ngamawele kaMnu. Tsvangirai owacina ewaswela esithi kwabangelwa yikungahlaliseki emoyeni ngenxa yezenzo zika Mnu. Tsvangirai.

Kwathutsha omunye njalo owesifazana oweSouth Africa uNkosazana Nosipho Shilubane owazama ukumisa lumtshado esithi laye wathenjiswa ukulotsholwa nguMnu. Tsvangirai. Kwavela imifanekiso eyayikhomba ukuthi ngoqobo ababili laba babethandana.

Phambilini uTsvangirai wavuma ukuthi wathandana lontombazana wakoBulawayo owayeliminyaka engamatshumi amabili lambili okwesikhatshana. Luntombazana wazithwala waze waba lomntwana kodwa wathi kasoze amthathe luntombazana kodwa uzabhadala indleko zokondla umntwana.

Kodwa abanye bathi ukunqotshwa kwebandla le MDC kukhetho kwabangelwa yindlela okwakhethwa ngayo abancintisayo okwathukuthelisa amanye amalunga alelibandla esithi inkokheli yazikhethela ebathandayo hatshi abafunwa ngabantu.

Omunye owacina encintisa ezimele ephelandaba-mpopoma kobulawayo kodwa wanqotshwa, ngumnu. Sam Sandla Khumalo, owathi ibandla lakhe lakhetha uMnu. Bekithemba Nyathi ukuthi amele lesisigaba ngendlela engaqondanga.

Kodwa okwathiwa bancintise laba bona bathi abakhutshwayo babevele bengaselasekelo ebantwini, njalo lokhu akubangelanga ukunqotshwa kwalelibandla kukhetho.

Ibandla le MDC lona lithi ukuziphatha kuka Mnu. Tsvangirai kanye leyinye inkhokheli yalelibandla akulani lokunqotshwa kwalelibandla, njalo lethesa ibandla leZanu PF umlandu wokuqilibezela kukhetho ngoba lisithi i-zanu pf yayingasoze inqobe ngalindlela.

IZanu PF yathola izihlalo zamalunga edale lephalamende ezilikhulu lamatshumi ayisithupha, 160 kuthi iMDC yathola ezingamatshumi amane lasithoba munwe munye 49 kuphela. Ezinye iziphathamandla zalelibandla ezigoqela oMnu. Ian Kay, Roy Bennett, lo Eddie Cross, zethula imbono ethi kufanele uMnu. Tsvangirai atshiyane lokukhokhela lelibandla adedele omunye ngoba esehluleke kathathu ukunqoba.

Umsekeli wesikhulumi se MDC-T uMnu. Joel Gabhuza uthi amanye amalunga alelibandla agoqela okhansila labo mayor bamadolobho atshiyeneyo, sebexotshiwe kulelibandla ngenxa yendlela abavota ngayo bengahloniphi izinqumo zebandla kumbe besebenzelana lebandla leZanu PF okutshengisa ukudabuka kwebandla leli.

Emhlanganweni osanda kuqhutshwa lentathelizindaba eHarare, uMnu. Tsvangirai uthi uzaqhubeka ekhulumisana lomanyano we sadc, United Nations, kanye leye African Union ngoba elobufakazi bokuthi ibandla le Zanu PF laqilibezela kukhetho ngakho umongameli mugabe akufanelanga abuse ilizwe.

Sibuze uMnu. Bekezela maduma ingcwethi ecubungula ezombusazwe ngekusasa yalelibandla.

Inengi lizibuza ukuthi kambe ibandla leli lingathola usekelo olunengi njengakuqala, linqobe elezanu pf kukhetho oluzayo olukhangelelwe ukuqhutshwa ngomnyaka ka 2018 na?
XS
SM
MD
LG