amalinks wokungena

Inhloko ZeNdaba Zibandlela 27, 2017

  • Praxedes Jeremiah

Inhloko ZeNdaba

Endabeni zethu lamhlanje ……………..

********** Umkhokheli webandla leMDC-T umnumzana Morgan Tsvangirai uhlangana lenkokheli yenhlanganiso ezimela ilungelo likazulu koBulawayo.

********** Umculi obedume ngokuhlabela ingoma zokholo uLundi Tyamara kasekho. Ulundi obeseleminyaka engamatshumi amathathu lathoba minwe mbili-38 ubhubhe namhlanje ekuseni ngemva kokulwisana lomkhuhlane wofuba oweTB lenso, okwesikhathi eside.

********** Inengi labantwana beZimbabwe abalabazali abangela maphepha zokuhlala kwele Botswana okusemthethweni babikwa besalelwa ukungena ezikolweni zalelo lizwe.

********** Ibandla eliphikisayo eleMDC elikhokhelwa ngumnumzana Welshman Ncube lalo lipha umbono walo ngokwenzelwa ngomkhosi wokujabulela ilanga lokuzalwa likamongameli Robert Mugabe eBhalagwe eMatobo.

********** Izakhamazi zika Ward Chauke, phansi kukaNduna Mapanzure emangweni weZvishavane, esigabeni seNkabazwe, zithi zibuhlungu phezu kokwanda kwamagodi atshiywa ngomakorokoza abadinga i chrome kulendawo.

********** KuWoza Friday namhlanje…. umculi osacathulayo uJaphet “Hwabaraty” Mlauzi wethule indlikizane yedlalade elilesihloko esithi “Woza Nhlanhla” ngoLwesine ntambama edolobheni lako Bulawayo.

********** KuLivetalk lamuhla sixoxa ngezulu elinengi elilokhe lisina endaweni ezitshiyeneyo zelizwe eselidale umonakalo wokukhukhulwa kwezindlu abanye belahlekelwa ngumfepufumulo ngemva kokutshaywa ngumbani. Thumelani imilayezelo yenu ku WhatsApp kunombolo yethu ethi 001 202 465 0318 kumbe enkundleni yebulenjini yokuzilibazisa kukhasi lethu ele VOA Ndebele. Lingakhuthwa yilezindaba lezinye kuStudio 7 ngo half past 7 ntambama kumagagasi athi 909 am, 4930, 6065, 15460 laku 13860 kilohertz kuShortwave. Lingakholwa ukuthi sikuWhats’app lakuFacebook ku VOA Ndebele.

XS
SM
MD
LG