amalinks wokungena

Breaking News

Mujuru: Wonke Umuntu Ulesabelo Ekulungisisweni Komumo waseZimbabwe


Umkhokheli webandla leNational People’s Party uNkosikazi Joice Mujuru uthi kumele kubunjwe uhulumende womanyano ozaphatha intambo zombuso okwesikhatshana kusadingwa isisombululo kudaba lweZimbabe kulandela ukuhluthunwa kwentambo zombuso libutho.

Ekhuluma lentathelizindaba eHarare namuhla, uMujuru uthe kumele uzulu weZimbabwe ehlanganise amakhanda ndawonye edinge umhlahlandlela othakazelelwa nguzulu njalo ofaka ilizwe esimeni esihle.

Wengeze wathi inkulumo zokulungisisa udaba lweZimbabwe kumele zigoqele abantu abavela kunxa zonke zempilo, okugoqela abezombusazwe, abamasonto, abenhlanganiso ezizimeleyo labafundi.

Uthe kungabunjwa uhulumende womanyano, kumele kwenziwe ukhetho njalo kuvunyelwe abavela kwamanye amazwe abasebenza phansi komanyano weUnited Nations, abeAfrican Union labeSadc kanye labenhlanganiso ezizimeleyo ukuthi bazebona ngokuqhutshwa kwalolukhetho.

Facebook Forum

XS
SM
MD
LG