WASHINGTON DC —
Umphathintambo obona ngobudlelwano phakathi kweleBhilithani lamanye amazwe uhlangane leziphathamandla zeZimbabwe ngoLwesithathu bekhulumisana ngengqubelaphambili yelizwe.
UMnu Boris Johnson uhlangane leziphathamandla zikahulumende kaMongameli Emmerson Mnangagwa kweleIvory Coast ngemva komhlangano omkhulu oweEU Africa Summit.
Ebhala enkundleni yeTwitter ngemva kwalumhlangano, uJohnson uthe iqula leZimbabwe limthembise ukuthi uhulumende omutsha uzimisele ukusebenza nzima ehlenge ilizwe ebunzimeni elikibo.
Emhlanganweni lo uJohnson uhlangane njalo leziphathamandla zeEU lezamazwe aseAfrica baxoxisana ngodaba lweZimbabwe.
Kunakanelwa ukuthi udaba lwezijeziso ezafakelwa iZimbabwe yiBhilithani leEU zingaba zikhulunywe ngazo kulumhlangano.