amalinks wokungena

Breaking News

ZEC: Qaphelani Umbiko Wamanga kuWhatsapp Othi 'Amhlophe Usuvotele uMnangagwa'


Ikomishini yezokhetho isixwayise uzulu ukuthi aqaphele umbiko wamanga obhoda enkundleni yeWhatsapp othi nxa ungawuvula ukwenzele amhlophe usithi usuvotele uMongameli Emmerson Mnangagwa.

Embikweni ewethule ngoLwesithathu iZimbabwe Electoral Commission (ZEC) ithe ayilani lokwenza lalumbiko.

Ixwayise izigilamkhuba eziqale lumbiko ukuthi zizabotshwa zijeziswe kabuhlungu zingabanjwa ngoba zephule imithetho yelizwe.

Ikomishini le ithe ukuvota kukhetho lwalonyaka kuzakwenzelwa kuma-polling stations njengenjwayelo, hatshi kubomakhalekhukhwini kumbe kuWhatsapp.

I-ZEC ithe njalo abantu kumele babekwazi ukuthi kayikhulumisani lozulu ngeWhatsapp loba sokutheni.

Umsekeli wesikhulumeli seMDC-T ekhokhelwa nguNkosazana Thokozani Khupe uMnu Khaliphani Phugeni utshele iStudio 7 ukuthi imbiko enje ilakho ukuphazanisa ukhetho.

please wait

No media source currently available

0:00 0:02:08 0:00
XS
SM
MD
LG