amalinks wokungena

Breaking News

EleZimbabwe Selicelile Ukubuyela Kumanyano weCommonwealth


Umanyano wamazwe ake abuswa ngeleBhilithani oweCommonwealth uthi eleZimbabwe selicelile ngokusemthethweni ukubuyela kulumanyano libe lilunga njengayizolo.

Lanxa umanyano lo usithi uyakwamukela lokhu, uthi kusadingeka ukuthi eleZimbabwe liqhube ukhetho ngendlela esuthisayo njalo lihloniphe amalungelo kazulu ukuze lamukeleke kuCommonwealth.

Embikweni awethule ngoMvulo, unobhala jikelele weCommonwealth uNkosikazi Patricia Scotland uthe eleZimbabwe kumele lilondoloze umbuso okhululekileyo njalo lihloniphe imithetho yalo.

IZimbabwe yaba lilunga leCommonwealth ekutholeni kwayo uzibuse ngo1980 kodwa yazokhitshwa nguMnu Robert Mugabe ngo2003 ngemva kokuxabana kwakhe lohulumende weBhilithani.

UMongameli Emmerson Mnangagwa nguye olobele iCommonwealth incwadi.

Ingcwethi kwezombusazwe uDr. Nkululeko Sibanda utshele iStudio 7 ukuthi ngempela sokusondele ukuthi eleZimbabwe libuyele kuCommonwealth.

Kodwa uthi okuhluphayo yikuthi uhulumende kaMnangagwa akakafiki kuzinga lokuhlonipha amalungelo kazulu lombuso okhululekileyo.

please wait

No media source currently available

0:00 0:03:04 0:00

Facebook Forum

XS
SM
MD
LG