amalinks wokungena

Breaking News

Ulakho Na Ukubotshwa Ngenkohlakalo uKasukuwere Njengoba Esephendukile Elizweni?


Owayengomunye wengqungquthela zecele leG40 ngesikhathi sombuso kaMnu Robert Mugabe, uMnu Savior Kasukuwere, yena ophenduke eZimbabwe izolo uthi okwamanje akalasifiso sokuphatheka kundaba zombusazwe.

UKasukuwere ubephephele kweleSouth Africa lapho abalekele khona ngoLwezi nyakenye kulandela ukugenqulwa kukaMugabe embusweni libutho.

Ngezinsuku zakhe, uMnu Kasukuwere wayeziphethe esidukwini engusikomitshi obona ngokuqhutshwa kwenhlelo zebandla leZanu PF (political commissar).

Wabaleka elizweni lamanye amalunga eG40 agoqela uMnu Jonathan Moyo loMnu Patrick Zhuwawo, bona ababikwa bephephele kweleKenya.

Ekuhluthuneni umbuso, ibutho latshela uzulu weZimbabwe ukuthi lalifuna ukubopha izikliwi eziphangayo ezazihanqe uMnu Mugabe zihuquluza umnotho welizwe.

UMnu Kawukuwere, uMoyo loZhuwawo ngabanye babantu laba abachazwa njengezikliwi libutho.

Njengoba esephendukile uKasukuwere, umbuzo omkhulu ngothi ulakho ukubotshwa ngamacala enkohlakalo na njengamanye amalunga eG40 agoqela uMnu Ignatias Chombo?

Cha, ngeke kwenzeke; kutsho ingcwethi kwezombusazwe uMnu Innocent Batsani Ncube yena othi unakanela ukuthi uhulumende kaMongameli Emmerson Mnangagwa wavumelana loKasukuwere ukuthi kasoze ambophe engaphenduka ekhaya.

UMnu Kasukuwere ubecatshangelwa ukuthi ungomunye wamalunga ebandla eliphikisayo elisekelwa nguMugabe, eleNational Patriotic Front. Kodwa uthi akalani lokwenza lebandla leli.

please wait

No media source currently available

0:00 0:04:15 0:00

Facebook Forum

XS
SM
MD
LG