amalinks wokungena

Breaking News

Ziyasolwa Izikliwi zeMDC-T kaChamisa Ezihlambaze uMaKhupe Zisithi Ulikhikhitha


Icele leMDC-T elikhokhelwa nguNkosazana Thokozani Khupe selisole abasekeli becele elikhokhelwa nguMnu Nelson Chamisa ngokuthuka lokuhlambaza uMakhupe besithi ulikhikhitha.

Abasekeli bakaChamisa bathe bephuma emthethwandaba weSupreme court eHarare izolo lapho obekuthethwa khona udaba lombango webizo elithi MDC-T, bayiqhunsa ingoma ethethisa uMaKhupe phambi kwakhe.

Umsekeli wesikhulumeli secele likaMaKhupe uMnu Khaliphani Phugeni uthi lokhu akubamangalisi ngoba icele likaChamisa ligcwele izikliwi ezingelambeko.

“Kuyabonakala mpela ukuthi lumfana (uMnu Chamisa) ubuntu abalabo,” kutsho uMnu Phugeni. “Ubudlwangudlwangu babantu laba butshengisa indlela yena uChamisa angakhona.”

please wait

No media source currently available

0:00 0:03:11 0:00

Isikhulumeli secele likaChamisa, uNkosazana Thabitha Khumalo utshele iStudio 7 ukuthi bayalisola kakhulu ihlazo elenziwe ngabasekeli bebandla labo.

“Lokho siyakusola kakhulu yinto elihlazo engelabuntu phakathi,” kutsho uMaKhumalo, yena olandule ukuthi ibandla lakhe ligcwele inswelaboya esithi ngamahlongandlebe amalutshwana athethise uMaKhupe.

please wait

No media source currently available

0:00 0:02:52 0:00

Isehlakalo lesi sisolwe ngabantu abanengi abagoqela izikhothamathe zikaMnu Chamisa ezaziwayo ezivame ukumvikela kukho konke angaba echothozwa ngakho.

Facebook Forum

XS
SM
MD
LG