EleZimbabwe lizamanyana lamanye amazwe amalutshwana asezwekazi leAfrica namuhla ekunanzeni ilanga leAfrica Day.
Ilanga leli lasungulwa ngabakhokheli beAfrica phansi komanyano weOrganization of Africa Unity (OAU) osubizwa ngeAfrican Union, ngo1963.
Injongo yalumanyano yayingeyokugqugquzela umbuso wabensundu emazweni wonke eAfrica kanye lokuthuthuka kwawo.
Kodwa namhlanje ayingcosana amazwe ananza lelilanga njengekhefu; abalisa iZimbabwe, Zambia, Namibia, Mali, Ghana, Lesotho, Mauritias, Guinea kanye leThe Gambia.
Amazwe angalinanziyo agoqela eleBotswana, eleSouth Africa, eleNigeria lamanye.
Abanye eZimbabwe, ikakhulu abasakhulayo, bathi kababoni ukuthi liqakatheke ngani lelilanga.
Le yinto esolwa yingcwethi kwezombusazwe uDr Nkululeko Sibanda othi inzalo yeAfrica ayimelanga ikhohlwe imvelaphi yayo.
