amalinks wokungena

Breaking News

Ubanjwe Xhaka Untikolotshi Ololaka obesehluphile eCowdray Park


Izakhamizi zeCowdray Park koBulawayo bezikhangelele ukulala obukabhuka ngoLwesithathu kulandela ukukhitshwa kukantikolotshi ololaka obesehluphile etshaya abantu ngamatshe njalo edlwengula abesifazana.

Njengokubika kweStudio 7 ngoLwesibili, umphrofethi odume ngokuthungatha ondofa uMnu Lazarus Siziba uvukele ekuseni wenza imithanithani yakhe wasekhipha okuyizinto okungaqondakaliyo okwesabisayo endlini ezimbili.

Untikolotshi lo ubikwa ebetshaya abantu ngamatshe njalo ebulala amafasitela ezindlu. Abesifazana bathi ubelala ezithaphuzela.

Okunye okuyizinto okugoqela amangqongqo kukhitshwe endlini yesakhamuzi uMnu Tito Gumbo obevele ecatshangelwa kwazothi okunye kwatholakala endlini yomunye owesifazana owakoKhumalo.

please wait

No media source currently available

0:00 0:04:07 0:00

Kodwa uSiziba ukubeke sobala emphakathini ukuthi okuyizinto lokhu bekufakwe ezindlini zababili laba bengakwazi njalo uthe ayisikho kwabo.

Ukhansila weCowdray Park uMnu Collet Ndlovu utshele iStudio 7 ukuthi besokulokuthula kulelilokitshi emini ngemva kokusuka kukaSiziba leqembu lakhe.

“Ngikhuluma lawe nje khathesi akuzange kube lokujikijelwa kwamatshe obekusenzakala ilanga libalele ngemva kokuba uSiziba enze izinto zakhe,” kutsho uMnu Ndlovu.

Facebook Forum

XS
SM
MD
LG