amalinks wokungena

Breaking News

'Ibhola Ehlathini,' Kukhuza Abasekeli beZanu PF eGwanda South Abathi Bafuna Ukumelwa nguOmphile Marupi Hatshi uAbednico Ncube


Ibandla leZanu PF selivimbe owake waba yintathelizindaba, uMnu Omphile Marupi ukuthi ancintise elimele kukhetho lokudinga umeli weGwanda South edale lephalamende.

UMarupi wayenqobe umeli walesisigaba uMnu Abednico Ncube kukhetho lwabazamela lelibandla, olwama-primaries.

Kodwa isimanga yikuthi iziphathamandla zeZanu PF sezinqume ukuthi uNcube nguye osezancintisa endaweni kaMarupi, yena ovinjwe ngezizatho ezingacaci kuhle.

Abanye banakanela ukuthi uvinjwe ngoba ubengakenelisi iminyaka emihlanu elilunga leZanu PF; okuyisidingo esimele sigcwaliswe yilabo abafuna ukumela lelibandla kukhetho.

Umsakazo weStudio 7 uxhumane loMnu Marupi wayala ukukhuluma okunengi ngaloludaba. Kodwa uthe umiswe ukuncintisa ngaphandle kwesizatho.

please wait

No media source currently available

0:00 0:04:47 0:00

Abasekeli beZanu PF eGwanda South babikwa besidla amalahle ngaloludaba njalo befunga besithi kabasoze bamvotele uNcube.

Kulombiko njalo obhodayo enkundleni yeWhatsApp phansi kwesihloko esithi ‘Asitshayeleni ibhola ehlathini’ okhuthaza uzulu ukuthi avotele ilunga leMDC Alliance kulesisigaba hatshi uNcube.

Ingcwethi kwezombusazwe uMnu Mlamuli Nkomo usole indlela iZanu PF ephathe ngayo ama-primaries ayo esithi kuveza obala ukuthi intando kazulu kayilandelwa.

UNkomo uthe le yinto ebhahileyo kakhulu lakucele leMDC-T elikhokhelwa nguMnu Nelson Chamisa.

“Sekubonakele kuMDC lakuZanu ukuthi ama-branches ayakhetha uzibanibani ukuthi abamele kodwa uthole ukuthi amaNational officials eparty ayakutshintsha lokhu akhiphe lo efake lo,” kutsho uNkomo.

“Lokhu kutshengisa ukuthi idemocracy iyasilela kuZanu PF lakuMDC. Into edanisayo yikuthi pho abantu bazakhetha ngaphi ngenxa yokuthi ibandla eliphikisayo lelibusayo akhanya ezimbila zantabanye nje.”

Kumanyano weMDC Alliance khona kubikwa kulokudonselana okukhulu phezu kwezihlalo eziphiwe iMDC ekhokhelwa nguMnu Welshman Ncube.

Amanye amalunga eMDC-T kaChamisa afuna ukuhluthuna lezi zihlalo. Kodwa isikhulumeli salelibandla ezansi yeMandebeleni uMnu Ekem Moyo uthe sebelulungisisile loludaba.

“Yebo bekulezikhenxe lapha lalaphayana abanye bekhala… kodwa engingakutsho yikuthi i-primary election isifikile yedlula,” kutsho uMnu Moyo.

Facebook Forum

XS
SM
MD
LG