Kuhlelo lwamasiko lokuphila kwabantu nsuku zonke namuhla sixoxa lokhankasela ukulondolozwa kwamasiko amaNdebele uMnu Ralph Mguni loMnu Difa Dube yena olwela amasiko amaKalanga.
UMguni, olilunga lenhlanganiso yeBambanani Association uthi kuqakathekile ukuthi abantu abahlala eMatabeleland babambane bavikele ukutshabalaliswa kwamasiko esiNdebele.
Lanxa isigaba seMatabeleland silemihlobo yabantu etshiyeneyo njalo alamasiko ehlukeleyo, uMnu Mguni uthi akuqondanga ukuthi imihlobo le igqugquzele amasiko ayo izimele.
Ikakhulu, uMguni usole abantu besiKalanga esithi umzabalazo wabo wokuvuselela amasiko abo kawulunganga.
Uthi amasiko abantu abahlala eMatabeleland manye, ngawesiNdebele. Ngakho uthi imihlobo etshiyeneyo le kayimelanga izimele yodwa.
Le yinto echothozwe kakhulu ngolwela amasiko esiKalanga uMnu Difa Dube kungxoxo elandelayo;
