amalinks wokungena

Breaking News

Umthethwandaba Ulaya Amapholisa Ukuthi Abophe UMnu Abednico Bhebhe


Umnumzana Abednigo Bhebhe umgcinisihlalo weMDC-T ekhokhelwa nguNkosazana Thokozani Khuphe

Umthethwandaba kamantshi koBulawayo ulaye amapholisa ngoLwesine ukuthi abophe umgcinisihlalo weMDC-T ekhokhelwa nguNkosazana Thokozani Khupe, uMnu Abednico Bhebhe ngemva kokwehluleka ukuza edale ukuyathonisiswa icala lodlakela aletheswayo.

UBhebhe, ongumeli weNkayi South edale lephalamende ubotshwe kunyanga ezedluleyo esetheswa icala lokutshaya amalunga eMDC-T ekhokhelwa nguMnu Nelson Chamisa. Utshele iStudio 7 ukuthi wehluleke ukuya emthethwandaba ngoba efelwe yimota esendleleni.

“Okwenzakeleyo ke yikuthi ngithe ngisendleleni imota yaphuma iviri yanhlanhlatha ngeganga. Ngikhuluma nje sesimelele imota enkulu ukuthi izoyidonsa,” kutsho uBhebhe.

Ekhuluma ngomkhankaso webandla lakhe, uBhebhe uthe uhamba kuhle kakhulu. Wengeze wathi abantu ababengi bayabajabulela njalo bayamsekela uMaKhupe.

please wait

No media source currently available

0:00 0:02:06 0:00

Facebook Forum

XS
SM
MD
LG