amalinks wokungena

Breaking News

Bakhululwe Abasolwa Kucala Lebhomba Elibulale Abantu Ababili koBulawayo


Abantu ababili ababotshwe ngeviki edluleyo benakanelwa ukuthi yibo abathiya ibhomba elaphosa labulala uMongameli Emmerson Mnangagwa koBulawayo babikwa bekhululiwe ngoMvulo kungela cala abalethesiweyo.

Ababili laba nguDouglas Musekiwa loJohn Zulu, abangowindi bemitshova.

Ibhomba leli lalimaza abantu abangamatshumi phose amahlanu abagoqela umsekeli kaMnangagwa, uMnu Kembo Mohadi, njalo labulala ababili.

Lanxa umsakazo weStudio 7 ungeke ukufakaze ngokugcweleyo, kulembiko ethi kulesotsha elabotshwayo ngalelicala. Asenelisanga ukukhuluma lamapholisa ngaloludaba.

Kusenjalo, amalunga eMthwakazi Republic Party abotshwe ngoLwesihlanu esetheswa icala lokubangela udlakela ngemva kokutshengisela koPick n Pay koBulawayo lawo akhululwe ngempelaviki ngemva kokuhlawula imali ye-bail.

AbeMthwakazi laba babetshengisela besola isitolo lesi besithi siqhatsha abantu besiShoneni kuphela sixotsha abavela eMatabeleland kumbe abakhuluma ulimi lwesiNdebele.

Omunye wababebotshiwe uMnu Xolani Ncube usole kakhulu ukubotshwa kwabo esithi kuveza sobala ukuthi akula mehluko phakathi kukahulumende kaMongameli Emmerson Mnangagwa lokaMnu Robert Mugabe.

UMnu Ncube wengeze wathi bazaqhubeka betshengisela phezu kwaloludaba kungelani lokubotshwa kwabo.

please wait

No media source currently available

0:00 0:02:35 0:00

Facebook Forum

XS
SM
MD
LG