amalinks wokungena

Breaking News

Izikliwi zeZanu PF Zidubula Uvolovolo Emphakathini


Sokuvele i-video elabantu abavunule impahla yeZanu PF, okulomunye wabo ohwatsha umbhobho awudubule mahlayana abanye bemtshotshozela besithi “nyika tatora,” okutsho ukuthi “ilizwe sesilithethe.”

Umadubula lo ugqoke isikipa esiluhlaza esilomfanekiso kaMongameli Emmerson Mnangagwa phambili.

Othatha umfanekiso lo uzwakala ebabaza ukuthi wake wahlala lezikliwi lezi eHarare zidume ngobudlova bokutshaya lokuhlukuluza abantu.

Lanxa umsakazo weStudio 7 ungenelisanga ukukhuluma lezicukuthwane zeZanu PF ngaloludaba, abamabandla aphikisayo labalwela amalungelo kazulu bathi umadubula kumele abotshwe.

Isehlakalo lesi siza ngesikhathi inhlanganiso ezizimeleyo ezigoqela iZimbabwe Election Support Network (ZESN) zisithi ukwethuselwa kwabantu yiZanu PF kuyadlondlobala elizweni jikelele ngaphambilini kokhetho.

“Kuyadumaza kakhulu lokhu ukuthi kulabantu esibabonayo asebelesibindi sokudubula mahlayana kanjalo nje,” kutsho olwela amalungelo oluntu uMnu Difa Dube.

Kukhetho luka2018 kulabasekeli beMDC abanengi kakhulu ababulawa ngamalunga ebandla leZanu PF ngesikhathi sokhetho.

please wait
Embed

No media source currently available

0:00 0:04:45 0:00

Facebook Forum

XS
SM
MD
LG