amalinks wokungena

Breaking News

Inkantolo kuZanu PF: Tshiyanani Labafundi Lababalisi


Amabandla aphikisayo athi amukela ngenjabulo isinqumo senkantolo esivimba ibandla leZanu PF ukubamba abafundi lababalisi ngamandla ukuthi baphatheke emihlanganweni yalo yokukhankasela ukhetho.

Idale leHigh Court liqale lethule isinqumo lesi kumaviki amabili edluleyo.

Kodwa ibandla leZanu PF kalizange lisihloniphe isinqumo lesi ngoba liqhubeke libamba abafundi lababalisi ngamandla ukuthi baye emihlanganweni yalo.

Lokhu kubangele ukuthi inhlanganiso emela ababalisi, iAmalgamated Rural Teachers Union of Zimbabwe ibuyele njalo emthethwandaba ukuyawubonisa ukuthi iZanu PF iqhubeka isephula umthetho.

IHigh Court ibuye yethule isinqumo lesi okwesibili ngoLwesibili lapho egcizelele khona ukuthi ibandla leZanu PF kumele litshiyane lomkhuba lo.

Umahluli uJoseph Mafusire ulaye njalo ibandla leli ukuthi litshiyane lokusebenzisa impahla yezikolo efana lamabhasi lokunye.

Wengeze wathi ukubamba abantwana besikolo lababalisi ngamandla ukuthi baye emihlanganweni yeZanu PF yikwephula amalungelo abo.

Umgcinisihlalo webandla leMDC-T elikhokhelwa nguNkosazana Thokozani Khupe eMelika uMnu Den Moyo utshele iStudio 7 ukuthi umthethwandaba kumele ujezise iziphathamandla zeZanu PF.

please wait
Embed

No media source currently available

0:00 0:04:32 0:00

Facebook Forum

XS
SM
MD
LG