amalinks wokungena

Breaking News

Babethi Ifile Kanti Ithwasile: UMathuthu Usungula iWebsite Entsha


Intathelizindaba edumileyo uMnu Mduduzi Mathuthu sesungule inkudla entsha ebulenjini beInternet eyethula izindaba eziphathelane lokwenzakala eZimbabwe.

Iwebsite le itholakala kukheli ethi www.zimlive.com njalo iphatha yonke imikhakha yezindaba ezigoqela ezombusazwe, ezenotho lezemidlalo.

UMathuthu waziwa kakhulu ngobuciko bakhe kwezeInternet kanye lokuba bukhali ekwembuleni izindaba ezifihlakeleyo.

Imbali yakhe igxilile.

Uqale esebenzela iphephandaba leThe Daily News leleDispatch eminyakeni edluleyo wasuka lapho wasesiya kweleBhilithane lapho afika wasungula khona iwebsite eyadla ubhedu engakehlukani layo eyeNewZimbabwe.

Kodwa uphenduke ekhaya eminyakeni embalwa edluleyo ukuzokuba ngumhlelo wephephandaba leChronicle lapho asuka wafuqelwa phandle licele leZanu PF elisekela uMongameli Emmerson Mnangagwa.

Wathi ngokusuka kwakhe kuleliphephandaba abanye bathi isifile kanti cha yayithwasile.

“Ukuba yintatheli lokwethulela abantu izindaba yinto nje esegazini lami,” kutsho uMathuthu ekhuluma leStudio 7 ngemva kokusungula iwebsite yakhe le namuhla ekuseni.

please wait

No media source currently available

0:00 0:03:23 0:00
XS
SM
MD
LG