amalinks wokungena

Breaking News

Amasotsha Abulale Abathathu Ekutshengiseleni kweMDC Alliance


Kufe abantu abathathu eHarare ngoLwesithathu ngemva kokudutshulwa ngamasotsha ekutshengiseleni kwabasekeli bomanyano weMDC Alliance besola impumela yokhetho.

Abomanyano lo laba bethesa iZimbabwe Electoral Commission umlandu wokuncedisa ibandla leZanu PF ukuqilibezela kukhetho olwenziwe ngoMvulo.

Isikhulumeli samapholisa uNkosikazi Charity Charamba ukufakazile ukufa kwabantu laba lanxa nje abanye besithi abafileyo bengaba besedlula abahlanu.

Abasekeli beMDC Alliance baqale betshengisela ngokuthula kodwa kwasokuqhamuka udlakela ngemva kokuhlaselwa kwabo ngamapholisa ebajikela i-teargas njalo abathela ngamanzi ababayo aqubula umzimba.

Kudlakela lolu, abeMDC Alliance batshise izimota zebandla leZanu PF bagqekeza lezitolo njalo babangela umonakalo omkhulu.

please wait

No media source currently available

0:00 0:03:56 0:00

Amapholisa athe esagijimisana labatshengiselayo laba amasotsha atshutsha engasadlanga nkotshana atshaya abantu kakubi abalimaza kwasokusifa ke abathathu.

UNkosikazi Charamba uveze ukuthi badinga iziphathamandla zeMDC Alliance ezimbili uMnu Tendai Biti loMnu Happymore Chidziva phezu kokutshengisela kwamalunga omanyano wabo ngodlakela.

please wait

No media source currently available

0:00 0:00:48 0:00

Ingcwethi kwezombusaze uMnu Mqondobanzi Magonya usole uBiti esithi nguye ophehle udlakela lolu ngokwethula amazwi okuthi umanyano wakhe kawusoze wamukele ukunqotshwa kulolukhetho.

please wait

No media source currently available

0:00 0:02:05 0:00

Facebook Forum

XS
SM
MD
LG