amalinks wokungena

Breaking News

Umeli weMelika eZimbabwe Uhlangana loChamisa Behlafuna Ezombusazwe


Umkhokheli weMDC Alliance uMnu Nelson Chamisa uhlangane lomeli weMelika eHarare, uAmbassador Brian Nichols ngoLwesine, bekhulumisana ngendaba zombusazwe kanye lezamalungelo oluntu eZimbabwe.

UNichols utshele uMnu Chamisa ukuthi ilizwe lakhe lizaqhubeka liqinisa ubudlelwano balo leleZimbabwe.

NgoLwesithathu uMnu Nichols uhlangane loMongameli Emmerson Mnangagwa bakhulumisana ngokufanayo.

Ukuhlangana kwakhe loChamisa loMnangagwa kuza ngesikhathi kulokufuthelana phakathi kwababili laba phezu kwempulela yokhetho lukaMongameli.

UMnangagwa wanqoba kulolukhetho kodwa uMnu Chamisa secele inkantolo yeConstitutional Court ukuthi yesule limpumela ngoba esithi kwaba lokudlelezela okukhulu.

EleMelika lisanda kuvuselela umthetho wezijeziso elazethesa uhulumende weZimbabwe oweZIDERA phezu kombuso omubi.

Ingcwethi kwezombusazwe uMnu Effie Dlela Ncube utshele iStudio 7 ukuthi yinto encomekayo ukuthi uAmbassador Nichols uhlangane loMnangagwa loChamisa bekhuluma ngendaba yamalungelo.

please wait

No media source currently available

0:00 0:01:57 0:00

Facebook Forum

XS
SM
MD
LG