amalinks wokungena

Breaking News

Uzakuba Elokhu Ekhokhela Na uChamisa Ngemva Kwe Congress?


UMnu. Nelson Chamisa umkhokheli womanyano weMDC Alliance.

Ibandla leMDC-T likhangelelwe ukwenza umhlangano omkhulu owokukhetha inkokheli, icongress, ekupheleni komnyaka.

Lumhlangano uzakuba ngowakuqala lelibandla likhokhelwa ngumnu. Nelson Chamisa abanye abasola indlela athatha ngayo intambo zombuso kulandela ukubhubha kumnu. Morgan Tsvangirai.

Sixoxe lengcwethi ecubungula ezombusazwe, uMnu. Richard Mahomva othi uchamisa uzayala elokhu engumkhokheli webandla leMDC-T.

UMahomva uthi kube lokusebenzelana ngesikhathi sokhetho kodwa kungakhathalekile ukuba kuhlala kubangwa izikhundla kulelibandla.

“Kodwa nxa ngikhangele okwakathesi ngibona ingani bakhona abayabe befuna ukwenza kungani kulengxabano khona kungela ukwenzela ukuthi benelise ukungenela,” kutsho uMahomva.

Uthi uChamisa uzakuba elokhu ekhokhela ngemva kwe congress ngoba elosekelo olukhulu kakhulu ngokwenelisa ukungena emakhaya lokusekelwa ngabasakhulayo.

“nxa sikuhluza siyabona ukuthi elinye icele leMDC-T lathola ingcosana nje kukhetho yena uChamisa wathola abantu abanengi kakhulu,” kutsho uMahomva.

Uthi akusoze kuswelakale abantu abasolayo bekhalakhala kodwa inengi lizahamba laye.

Facebook Forum

XS
SM
MD
LG