amalinks wokungena

Breaking News

UChamisa Uthi Uzaphumelela Emthethwandaba


UMnu Nelson Chamisa loMongameli Emmerson Mnangagwa

Umkhokheli weMDC Alliance uMnu Nelson Chamisa uthi uleqiniso lokuthi uzanqoba kudaba lwakhe lokuphikisa impumela yokhetho lukaMongameli oluzaqala ukuthethwa yinkantolo yeConstitutional Court ngoLwesithathu.

UChamisa, ekhuluma lentathelizindaba eHarare ngoMvulo, ucele njalo umanyano weSADC ukuthi ungenele kudaba lweZimbabwe.

UMongameli Emmerson Mnangagwa unqobe uChamisa ngemva kokuthola amavoti edlula izigidi ezimbili, i2, 460, 463. UChamisa yena uthole angu 2,147,436.

Kodwa uyayiphikisa limpumela esithi iZimbabwe Electoral Commission (ZEC) yaqilibezela.

“Sithembele kwabeSadc ngoba sibapha inhlonipho njalo lokuba yibo abalondoloza ukuthula, ukuhlaliseka lokuhlonitshwa kwalesi sigaba,” kutsho uChamisa.

Wengeze wathi ulamagqwetha alohlonzi yikho nje elomdlandla lethemba lokunqoba kuloludaba, kubike intathelizindaba yeStudio 7 uMavis Gama.

please wait

No media source currently available

0:00 0:04:42 0:00

UChamisa uthi umthethwandaba kumele unqume ukuthi nguye owanqobayo kumbe ubizele ukhetho olutsha. USithandekile Mhlanga uxoxe lesikhulumeli sikaChamisa uDr Nkululeko Sibanda.

please wait

No media source currently available

0:00 0:02:22 0:00

Facebook Forum

XS
SM
MD
LG