WASHINGTON DC —
Namhla kuhlelo lwethu lapho esikhuluma lezizalwane ze Zimbabwe ezihlala phandle kwelizwe sixoxa loMnu. Arnold Ndabuko ohlala eSouth Africa. UNdabuka uthi ukuwa komnotho welizwe le South Africa kuzacina kubangela ukuthi izizalwane zeZimbabwe ezihlala kulelolizwe ziphindele ekhaya.
“Besilethemba lokubuyela ekhaya kodwa ngendlela esizwa kuthiwa kwenzakala ngakho vele akusayenzi,” kutsho uNdabuko.
Uthi okwenza udaba lwakhona lubelusizi yikuthi lalapho abakhona eSouth Africa sekusibanzima lakho inyengo yempahla ezitolo siqansa kulandela ukukhwela kwentengo yamafutha ezimota.
“Akusela okungamasenti esikutholayo kuhle kuphelele emoyeni uswele okokuthumezela. Sokufana ukuthi usekhaya kumbe ulapha,” kutsho uNdabuko.
