amalinks wokungena

Breaking News

Abantu Asebebulewe yiCholera Sebengamatshumi Amabili Lanhlanu


Inani labantu asebebulewe ngumkhuhlane weCholera beseliqonge lafika kumatshumi amabili lanhlanu ngoLwesine.

Umphathintambo obona ngezempilakahle uMnu Obadiah Moyo uthi uhulumende wenza konke okusemandlani akhe ukulwisana lalumkhuhlane.

UMoyo ubekhuluma emkhosini wokwamukelwa usizo oluvele kumankampani amathathu abalisa eyeEconet Wireless, iQuest Motors kanye leyeLotto.

AbeEconet Wireless baphe uhulumende ama-million alitshumi amadollar phansi kwesikhwama semali yokulwisana leCholera kwathi abeQuest Motors bamnikeza imota eyodwa.

AbeLotto bona bamtholise ikhulu lenkulungwane zamadola.

Umkhuhlane weCholera uqhamuke eHarare elokitshini leGlen View leleBudiriro kumaviki ambawa edluleyo njalo ususabalele wafika eMidlands, eMasvingo, eManicaland laseMashonaland Central.

Ingatsha zomanyano weUnited Nations lazo zibambe iqhaza ekulwisaneni lalumkhuhlane.

Kunjalo nje, izizalwane zeZimbabwe ezihlala kweleSouth Africa zithi zikhathazekile kakhulu ngokuqhamuka kwalumkhuhlane, wona obulale abantu abedlula inkulungwane ezine ngomnyaka ka2008.

please wait

No media source currently available

0:00 0:03:05 0:00

Kusenjalo, uhulumende uthi akusafanelanga abantu bebuthane ngoba umkhuhlane wesihudo owecholera umemetheka kakhulu lapho okuhlanganwa khona. USithandekile Mhlanga weStudio 7 uxoxe lengcwethi kwezempilakahle uDokotela Masibongeninkosi Muloyiswa, osinika ingcazelo yokuthi umkhuhlane lo umemetheka njani emihlanganweni, kanye lokungenziwa ukuwenqabela.

please wait

No media source currently available

0:00 0:02:13 0:00

Facebook Forum

XS
SM
MD
LG