amalinks wokungena

Breaking News

UMnangagwa Uvula Ifekithali Egaya Amatamatisi koBulawayo


UMongameli Emmerson Mnangagwa uvule ngokusemthethweni ifekithali egaya amatamatisi eyeHamara Tomato Processing Plant koBulawayo ngoLwesine.

Uphinde wavula njalo uhlelo lokwakhiwa kwezindlu ezibiza izigidi ezimbili zamadollar olweHopeville.

Ekhuluma emkhosini lo, uMnangagwa ukhuthaze amakhansila akoBulawayo ukuthi atholise uzulu amanzi ahlanzekileyo ukuze kwenqatshelwe umkhuhlane weCholera wona oqhubeka ubulala abantu elizweni.

“Okuqakathekileyo yikuthi amakhansili abone ukuthi ayatholisa uzulu amanzi ahlanzekileyo kanye lokuthi impompi zamanzi engcekeza azivuzi. Sicela amankampani azimeleyo asize ngesikhathi lesi esinzima,” kutsho uMnangagwa.

Ukhuthaze njalo amakhansila elizweni lonke jikelele ukuthi asebenze gadalala ethuthukise umnotho wezabelo zawo.

Uthembise ukuthi umbuso wezabelo okhalelwa ngabanengi (devolution) uzaqala ukusebenza ngemva kokuguqulwa kweminye imithetho.

“Sifuna ukubona intuthuko yezabelo ukuze umbuso wezabelo ubekhona. Sizathi ukuguqula imithetho ethile ihambelane lesisekelo sombuso ukuze izigaba zithuthuke njalo bazihlelele intuthuko yabo.”

please wait

No media source currently available

0:00 0:04:17 0:00

Facebook Forum

XS
SM
MD
LG